Lexoni edhe:
Mbështetja e ambasadorit amerikan për një kryeprokuror të shtetit të pavarur, kruciale
5 raste të dhunës në familje u raportuan dje në polici
Policia e Kosovës ka bërë të ditur se 5 raste të dhunës në familje janë raportuar gjatë ditës djeshme në Policinë e Kosovës.
Sipas policisë, dje në Prishtinë në orën 11:00 një burrë ka sulmuar bashkëshorten e tij. Me vendim të prokurorit, i dyshuari u dërgua në mbajtje.
Në Fushë Kosovë një grua ka njoftuar se pas një mosmarrëveshje është sulmuar fizikisht nga bashkëshorti i saj. Me vendim të prokurorit, pas intervistimit rasti ka shkuar në procedurë të rregullt.
Sipas policisë, dje në Ferizaj është arrestuar një burrë, pasi që ka sulmuar babain e tij viktimën mashkull kosovar. Viktima ka pranuar tretman mjekësor, ndërsa me vendim të prokurorit, i dyshuari është dërguar në mbajtje.
Në Prizren është arrestuar i dyshuari mashkull kosovar, pasi që i njëjti pas një mosmarrëveshje, ka kanosur bashkëshorten tij viktimën femër kosovare. Me vendim të prokurorit, i dyshuari dërgohet në mbajtje.
Ndërsa, në raportin 24 orësht të policisë thuhet se në Mitrovicë është arrestuar i dyshuari mashkull kosovar, pasi që i njëjti ka ushtruar dhunë ndaj bashkëshortes së tij.
Sipas policisë, nuk raportohet për të lënduar.
Me vendim të prokurorit, i dyshuari është dërguar në mbajtje.
(Kosova Sot Online)
