Kontrollohen 5 shtëpi në Shtërpcë, konfiskohen rreth 30 m3 drunjë

Stacioni policor në Shtërpcë nga Drejtoria Rajonale e Policisë në Ferizaj, ka vazhduar së zbatuari planin operativ ,,Mbrojtja e pyjeve 2022”, lidhur me prerjen e pyjeve, transportin dhe shitjen ilegale të drunjëve .

Në lidhje me këtë policia, në bashkëpunim me pylltarët e Parkut Kombëtar ‘’Sharri ’’ dhe me urdhëresë të Gjykatës Themelore të Ferizajt sot, rreth orës 11:40 kanë kontrolluar në oborret e shtëpive të 5 personave të dyshuar në fshatin Sevcë të Shtërpcës dhe aty kanë hasur sasi të drunjëve, rreth 30 m3 .

Lexoni edhe:

“Thumbi” i Rohde: Për moszbatimin e Asociacionit përmendet Kushtetuesja, për Manastirin akuzohet e njejta Gjykatë

“Ndaj 5 të dyshuarve janë shqiptuar fletëparaqitje për gjykatë dhe sasia e drunjëve do të konfiskohet nga ana e zyrtarëve të Parkut Kombëtar”, thuhet në njoftim.

Policia Rajonale e Ferizajt njofton se do të vazhdojë me aksione të tilla edhe në ditët në vijim në parandalim të prerjeve të pyjeve, transportit dhe shitjes ilegale të drunjëve.

Si dhe apelon te qytetarët që,  saherë hasin persona që prejnë, transportojnë dhe shesin ilegalisht drunjë, të njoftojnë menjëherë policinë , stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406.

(Kosova Sot Online)