Toka, objekte afarizmi e banimi, e gjithë pasuria që u ngri me urdhër të prokurorisë në Pejë

Pas një hetimi disa mujor, dje Prokuroria Themelore e Pejës në koordinim me Policinë e Kosovës kanë kontrolluar 21 lokacione në regjionin e Pejës me ç’rast janë prangosur 16 persona.

Të arrestuarit dyshohen për veprat penale “Fajdeja”, “Detyrim” dhe “Armëmbajtje pa leje”.

Lexoni edhe:

Qeveria ta përgatis fshesën e madhe për ta pastruar policinë dhe prokurorinë nga strukturat që po ja bëjnë avokatin krimit të organizuar!

“Nga ky operacion në cilësi të provave materiale janë sekuestruar: 12 armë zjarri, 544 copë fishekë të kalibrave të ndryshëm, 45.700 euro para kesh, 15 telefona celular, 10 automjete dhe dokumente të ndryshme. Gjithashtu me urdhëresë të prokurorisë është bërë ngrirja e përkohshme e 102 parcelave të tokës përfshi tokë bujqësore, objekte afarizmi dhe banimi”, thuhet në raportin e sotëm të PK-së.

Njoftimi i plotë i policisë:

FAJDEJA & DETYRIM & ARMËMBAJTJE PA LEJE /Regjioni Pejë 22.02.2022 – 06:00. Lidhur me veprat penale, pas hetimeve disa mujore nga Drejtoria për Hetimin e Krimit të Organizuar me datën 22.02.2022 janë kontrolluar 21 lokacione të ndryshme në regjionin e Pejës dhe janë arrestuar 16 persona të dyshuar të gjithë meshkuj kosovarë. Nga ky operacion në cilësi të provave materiale janë sekuestruar: 12 armë zjarri, 544 copë fishekë të kalibrave të ndryshëm, 45.700 euro para kesh, 15 telefona celular, 10 automjete dhe dokumente të ndryshme. Gjithashtu me urdhëresë të prokurorisë është bërë ngrirja e përkohshme e 102 parcelave të tokës përfshi tokë bujqësore, objekte afarizmi dhe banimi. Me vendim të prokurorit të gjithë personat e arrestuar janë dërguar në mbajtje.

(Kosova Sot Online)