Lexoni edhe:
Barbare: Tanku rus shkel mbi veturën me njerëz që ishte në lëvizje
Ukraina paralajmëron për rritje të rrezatimit nga Çernobili
Agjencia bërthamore ukrainase paralajmëroi për rritje të nivelit të rrezatimit nga Çernobili të premten, një ditë pasi forcat ruse e morën kontrollin e vendit ku ka mbetje bërthamore.
Centrali famëkeq është nxjerrë nga përdorimi që nga viti 1986, kur njëri nga reaktorët e tij kishte shpërthyer, duke përhapur re radioaktive nëpër Evropë, shkruan Deutsche Welle.
Agjencia raportoi se ka vërejtur nivel më të lartë të rrezatimit me rreze gama, për të cilin i fajësoi lëvizjen e shumë mjeteve të rënda ushtarake nëpër zonë dhe lirimin e pluhurit radioaktiv në ajër.
Rusia i ka mohuar raportimet për shtim të rrezatimit. Autoritetet ruse thanë se trupat e këtij vendi e kanë marrë nën kontroll zonën për t’i parandaluar “provokimet” nga Kievi.
(Kosova Sot Online)
