Lexoni edhe:
‘Prokurori që i liroi spiunët serb, blerës të simboleve të UÇK-së,një shërbëtor besnik i BIA-s serbe’
Trafikantët maskojnë 600 kilogramë drogë në formë qepe
Policia doganore në SHBA ka sekuestruar 600 kilogramë drogë të llojit metamfetaminë, të cilën trafikantët e kishin maskuar në formën e qepëve.
Mediet e huaja njoftojnë se policia kufitare në Kalifornia ndaloi kamionin që transportonte qepë për kontroll rutine. Ishin qentë ata që nuhatën drogën.
Menjëherë pas sinjalit që morën nga qentë policët nisën kontrollet e detajuara në ngarkesën me qepë, deri sa gjetën drogën, që trafikantët e kishin maskuar si qepë.
Mes mijëra qepëve të vërteta, doganierët gjetën rreth 1200 pako të bardha, të cilat trafikantët i kishin dhënë në formën e qepëve, në mënyrë që mos identifikohen nga policët.
“Jo vetëm që kjo është një përpjekje dinake për të kontrabanduar drogë në vend, të cilën nuk e kam parë kurrë më parë, por është gjithashtu diçka që iu është dashur shumë kohë për të paketuar drogën në atë mënyrë,” thanë autoritete doganore në Kalifornia.
Zyra federale doganore vlerësoi se 600 kilogramë metamfetaminë kanë një vlerë prej 2.9 milion dollarësh.
(Kosova Sot Online)
