Brenda një dite vidhen tri vetura në Kosovë

  • E.K /
  • 15 March 2022 - 11:53
Brenda një dite vidhen tri vetura në Kosovë

Policia e Kosovës ka njoftuar se në 24 orët e fundit janë vjedhur tri vetura në Kosovë.

Në Obiliqi një qytetar ka njoftuar policinë se përmes kamerave e ka vërejtur se disa persona e kanë vjedhur një veturë me targa vetura. Pas këtij lajmërimi, policia e ka kontaktuar pronarin i cili nuk ka qenë në dijeni se i është vjedhur vetura.

“ Obiliq i Vjetër 14.03.2022-03:26. Një qytetar përmes kamerave të sigurisë ka vërejtur se disa të dyshuar kanë vjedhur një veturë me targa vendore. Njësitë relevante policore kanë dalur në vendin e ngjarjes, kanë siguruar të dhënat e pronarit të veturës dhe kanë kontaktuar me pronarin e veturës i cili nuk kishte qenë në dijeni se iu është vjedhur vetura. Rasti vazhdon të hetohet”, thuhet në njoftimin e policisë.

Një veturë është vjedhur edhe në Mitrovicën e Jugut. Atje një person ka njoftuar se i është vjedhur vetura nga persona të panjohur.

“Mitrovicë Jugu 14.03.2022-07:30. Ankuesi mashkull kosovar ka raportuar se nga të dyshuar të pa njohur i është vjedhur vetura me targa vendore. Njësitë relevante policore kanë dalur në vendin e ngjarjes. Në lidhje me rastin është konsultuar prokurori i shtetit, rasti vazhdon të hetohet”, thuhet më tutje në njoftim.

Edhe në Mitrovicën e Veriut është vjedhur një veturë me targa të huaja.

“Mitrovicë Veri, 14.03.2022-03:10. Raportohet se nga persona te panjohur është vjedhur vetura Audi A4 me targa te huaja. Rasti nën hetime”, thuhet në njoftim.

Të tri këto raste po hetohen nga policia. 

(Kosova Sot Online)