Lexoni edhe:
Afera BREZOVICA, të gjithë ish-qeveritarët, kokat kryesore politike të përfshirë në krim të organizuar
Seanca e Kuvendit ku është diskutuar për rritjen e çmimeve është përcjellë me përplasje të ashpra ndërmjet shefit të LDK’së, Lumir Abdixhiku dhe zëvendëskryeministrit, Besnik Bisilimi. Reagimin e ashpër të Abdixhikut e ka nxitur pëshpëritja që Bislimi ka bërë me Kurtin derisa kryetari i LDK’së po fliste në foltoren e Kuvendit.
“Kryeministër të lutem lidhe zëvendëskryeministrin. Trego respekt minimal në fjalim. Mund ta bëjmë edhe ndryshe por e kini mundësinë këtu në mënyre tolerante dhe njerëzore të diskutoni. Lidhe”, ka thënë Abdixhiku.
Ndaj kësaj deklarate të liderit të LDK-së reagoi edhe kryetari i Kuvendit, Glauk Konjufca.
Ai i kërkoi Abdixhikut që të respektoj kabinetin qeveritar.
“Të lutem z.Abdixhiku respekt ndaj kabinetit qeveritar dhe çdo…Shembullin e tolerancës dhe kulturës më sa pari duhet ta jap individi vet”, ka thënë Konjufca.
“Faleminderit”, u përgjigj Abdixhiku.
Pas fjalimit të Abdixhikut, fjalën e mori zëvendëskryeministri Besnik Bislimi.
Bislimi tha se derisa Abdixhiku po fliste, ai e kishte pyetur kryeministrin nëse “vallë e di edhe kohën kur do të përfundojë lufta në Ukrainë e nuk po na tregon”.
Ajo që ndodhi ishte që kur deputeti po shpjegonte se si me saktësi ka parashikuar dhe dijë të gjitha zhvillimet, unë i impresionuar e pyeta kryeministrin se mos vallë e di edhe kohën kur do të përfundojë lufta në Ukrainë e nuk po na tregon”, ka thënë Bislimi.
Bislimi pati edhe një përgjigje për kreun e LDK-së.
“Sa i përket komentit të tij për lidhje ose zgjidhje – duke e njohur mirë deputetin e nderuar, Z. Abdixhiku – dua vetëm të konkludoj se e kuptoj shumë mirë, bashkëndiej me të, por nuk e ndihmoj dot”, tha ai.
(Kosova Sot Online)