Lexoni edhe:
Ja se si po dëshmohen raportet e DASH-it, krimi i organizuar edhe në institucionet e sigurisë!
Zelensky i drejtohet Bundestagut gjerman: Ka një mur në mes të Evropës
Pasi përmendi Martin Luther Kingun dhe 11 shtatorin në fjalimin e tij në Kongresin e Shteteve të Bashkuara, Volodymyr Zelensky përdor imazhin e “murit” në fjalimin e tij drejtuar Bundestagut gjerman.
“Ka një mur në mes të Evropës dhe ai mur ndan lirinë nga mungesa e lirisë”, u shpreh ai në fjalimin drejtuar Bundestagut gjerman.
Duke përsëritur temat e fjalimeve të tij në Parlamentin e Mbretërisë së Bashkuar dhe Kongresin e SHBA, ai po u kërkon liderëve gjermanë të ndërmarrin më shumë veprime për të trajtuar agresionin e Rusisë.
Zelensky i kërkon Gjermanisë të marrë “rolin udhëheqës që meriton” dhe i bën thirrje kancelarit Olaf Scholz që të shembet “muri” kundër lirisë që po ngrihet nga Rusia në Evropë.
Presidenti ukrainas kritikoi mungesën e veprimeve të ndërmarra nga vendet e BE-së përpara pushtimit, duke u thënë deputetëve se sanksionet erdhën shumë vonë./A2CNN
(Kosova Sot Online)
