Lexoni edhe:
Pacienti sulmon fizikisht mjekun në QKMF në Podujevë
Ministri Mehaj udhëton në Izrael, kjo është agjenda e tij
Në kuadër të zgjerimit të bashkëpunimit ndërkombëtar, sot Ministri i Mbrojtjes, Armend Mehaj, me ftesë të autoriteteve më të larta të sigurisë dhe mbrojtjes së Izraelit, udhëtoi për vizitë zyrtare në Tel Aviv, njofton ministria.
“Me këtë rast, përveç pjesëmarrjes në Panairin Ndërkombëtar të Mbrojtjes, Sigurisë Kombëtare dhe asaj Kibernetike, ISDEF 2022, gjatë vizitës treditore, Ministri Mehaj do të realizoj takime edhe me autoritetet më të larta të institucioneve të sigurisë dhe mbrojtjes izraelite”, thuhet në njoftimin dërguar mediave.
“Izraeli është partneri ynë shtetëror shumë i rëndësishëm në kuadër të proceseve zhvillimore të diplomacisë sonë të mbrojtjes si dhe aftësive dhe kapaciteteve operacionale ushtarake të FSK-së”, përfundon njoftimi i ministrisë.
(Kosova Sot Online)
