Lexoni edhe:
Të zbardhet lista me përfituesit nga 230 mil euro të ndara në emër të subvencionimit të qytetarëve dhe bizneseve në krizë pandemie
Ramush Haradinaj i shkon në zyre OVL-UÇK-së
Kryetari i Aleancës për Ardhmërinë e Kosovës Ramush Haradinaj ka takuar sot në Selinë e OVL të UÇK-së, krerët e Shoqatave të dala nga Lufta.
Haradinaj ka shpërndarë foton e takimit në profilin e tij në Facebook.
“Kategoritë e lirisë, Ushtria Çlirimtare e Kosovës, Dëshmorët e të gjitha kohërave, Invalidët, Veteranët, Familjet e Martirëve, të Pagjeturit, të Burgosurit politikë e të persekutuarit, Viktimat e dhunës seksuale gjatë luftës, janë edhe dhembja edhe krenaria jonë. Ata janë testamenti ynë, themeli ynë për të ardhmen”, ka shkruar Haradinaj.
Postimi i plotë:
Kategoritë e lirisë, Ushtria Çlirimtare e Kosovës, Dëshmorët e të gjitha kohërave, Invalidët, Veteranët, Familjet e Martirëve, të Pagjeturit, të Burgosurit politikë e të persekutuarit, Viktimat e dhunës seksuale gjatë luftës, janë edhe dhembja edhe krenaria jonë.
Ata janë testamenti ynë, themeli ynë për të ardhmen.
E vërteta e kategorive të lirisë është e të gjithë neve. Ata që nuk janë të vërtetë nuk janë të asnjërit prej nesh.
Por, të shfrytëzohen të pavërtetit për të turpëruar të vërtetit, është e papranueshme, është mallkim për brezat.
(Kosova Sot Online)
