Lexoni edhe:
Administrata në sistemin e drejtësisë qëllimisht është diskriminuar, janë në shërbim të përulur ndaj gjyqtarëve dhe prokurorëve të superprivilegjuar
Kurti në Ditën e Autizmit: Do të shtojmë 100 asistentë për fëmijët gjatë orarit mësimor
Në Ditën Botërore të Autizmit, kryeministri kosovar, Albin Kurti, ka dhënë zotime shtesë për gjithëpërfshirje të personave me autizëm.
Në një konferencë ku u fol për këtë temë, Kurti tha se për fëmijët me autizëm do të shtohet numri i asistentëve gjatë orarit mësimor.
“Për prindërit është sfidë përfshirja e fëmijëve me autizëm në sistemin shkollor, megjithëse këtë e parasheh ligji. Kjo sepse është i nevojshëm asistimi i rregullt në orarin mësimor, prandaj gjatë këtij viti janë shtuar 100 asistentë për mbështetjen profesionale të fëmijëve, do të shtohen edhe nga 100 asistentë të tjerë çdo vit deri në fund të mandatit”.
Kurti tha se trajtimi që i bëhet njëri-tjetrit është vetë shëndeti i shoqërisë në përgjithësi, duke shtuar se personat me autizëm janë një shprehje më e drejtpërdrejtë e ngutisë së tij për të krijuar mekanizma veprimi.
“Një shoqëri e ndjeshme ndaj këtyre personave është një shoqëri më të vërtetë në vetvete sepse sapo të dështojmë në kuptimin e vështirësisë dhe hallit të tyre, do të kemi rënie në terrenin i cili është jo vetëm i izolimit, por edhe ngacmimit, paragjykimit e stigmatizimit”.
Kurti tha se është detyrë që të identifikohen talentet mes fëmijëve autikë dhe të maksimalizohet potenciali i tyre.
Kurti tha se duhet më shumë qasje në shërbime për çdo person me autizëm.
(Kosova Sot Online)
