Lexoni edhe:
Ligji për Konfiskimin e pasurisë së pajustifikueshme do të sjell tërmet!
I prekur nga vizita në Ukrainë, Borrell merr një vendim të menjëhershëm
Kryediplomati i Bashkimit Europian, Josep Borrell, pas vizitës që pati në Ukrainë ku pa nga afër edhe vendet e krimeve mizore që u kryen nga forcat ruse, tha se tashmë e ka të qartë se çfarë duhet të bëjë.
Ai ka tha se 500 milionë euro shtesë i ka ndarë për ushtrinë ukrainase, si dhe paralajmëroi sanksione më të ashpra ndaj Rusisë, përfshirë edhe naftën.
“I prekur nga rezistenca, vendosmëria dhe mikpritja e presidentit Zelensku dhe kryeministrit Shmyhal. Po kthehem me një listë të qartë se çka duhet të bëj: Kjo luftë do të fitohet në fushëbetejë. 500 milionë euro shtesë nga EPF janë në proces. Dërgesat e armëve do t’u përshtaten nevojave të Ukrainës; Ne duhet të vazhdojmë të rrisim presionin tonë ndaj Rusisë. Ne kemi vendosur tashmë sanksione masive, por duhet bërë më shumë në sektorin e energjisë, përfshirë naftën. Të hënën, po mbledh Këshillin e Punëve të Jashtme të BE-së për të diskutuar hapat e ardhshëm”, ka shkruar Borrell në Twitter.
Borrell tha se Ukraina do të mbizotërojë dhe do të ngrihet edhe më e fortë dhe se BE-ja do të vazhdojë t’i qëndrojë pranë, “në çdo hap të rrugës”.
Ai bashkë me presidentin e Komisionit Europian, Ursula von der Leyen, shkuan edhe në Bucha ku nga afër panë varret masive dhe vendin ku po raportohet se u krye masakër nga forcat ruse ndaj civilëve ukrainas.
(Kosova Sot Online)
