Lexoni edhe:
Politikanët me premtime banale abuzuan me pushtetin për interesa personale
Bërnabiq njëjtë si Vuçiqi, i thotë Kurtit e Gjukanoviqit: Lëreni Serbinë të qetë
Kryeministrja serbe Ana Brnabiq ka mirëpritur sot, siç e ka quajtur ajo mesazhin e qartë të presidentit serb Aleksandar Vuçiq për kryeministrin e Kosovës, Albin Kurti dhe presidentin malazez Milo Gjukanoviq, se Serbia duhet të lihet e qetë.
“Lëreni Serbinë të qetë! Mos gënjeni, mos e mashtroni publikun, dhe Serbia do të gjejë rrugën e saj, ashtu siç duan qytetarët e saj. Ne jemi krenarë për faktin që duam ta mbrojmë vendin tonë vetë,” përsëriti në një postim në Tëitter shefja e ekzekutivit serb fjalët e Vuçiqit.
Ky i fundit tha gjatë ditës se Kurti e Gjukanoviqi, më mirë do të ishte të merreshin me brengat e tyre të kriminalitetit, kurrupsionit dhe ekonomisë, dhe që Serbinë ta lënë të qetë.
Deklaratat e tij erdhën pas reagimeve nga Prishtina dhe Podgorica për blerjen e sistemit raketor kinez FK3, i cili sipas tij, është sistem i mbrojtjes kundërajrore.
Vuçiq madje ia dha Kurtit e Gjukanoviqit epitetin e mizave që sillen përreth kafshëve për të përfituar nga ushqimi i tyre.
(Kosova Sot Online)
