Zelensky lavdëron ukrainasit që mbijetuan 50 ditë të luftës:

Presidenti i Ukrainës, Volodymyr Zelensky, lavdëroi popullin e tij për vendosmërinë e treguar që kur Rusia pushtoi vendin e tyre në 24 shkurt dhe për marrjen e vendimit më të rëndësishëm të jetës së tyre, për të luftuar.

Në fjalimin e tij të natës vonë, Zelensky u tha ukrainasve se ata duhet të jenë krenarë që kanë mbijetuar 50 ditë nën sulmin rus, kur pushtuesit theksoi ai “na dhanë maksimum pesë ditë”.

Lexoni edhe:

Prokuroria e korruptuar po i mban në sirtar dosjet e denoncimeve kundër Shpend Ahmetit, për ortakëri me krimin e organizuar

Zelensky bëri një listë të gjerë dhe pothuajse poetike të shumë mënyrave në të cilat ukrainasit kanë ndihmuar për të shmangur trupat ruse, ndërsa ironizoi ata që treguan se anijet luftarake ruse mund të lundrojnë larg, edhe nëse janë në fund të detit.

Kjo ishte referenca e tij e vetme për kryqëzorin rus të raketave Moskva, i cili u mbyt pasi u godit nga raketat Neptun, sipas pretendimeve të Kievit.

Zelensky tha se i kujtohej dita e parë e pushtimit kur shumë liderë botërorë, të pasigurt nëse Ukraina mund të mbijetonte, e këshilluan atë të largohej nga vendi.

“Por ata nuk e dinin se sa të guximshëm janë ukrainasit, sa e vlerësojmë lirinë dhe mundësinë për të jetuar ashtu siç duam”, tha Zelensky./A2CNN

(Kosova Sot Online)