Lexoni edhe:
Sjelljet arrogante të opozitës kundër qeverisë, identike me politikën e programuar të Listës Serbe dhe Vuçiqit
Kapet kosovari me 195 km/h në zonën ku lejohen 80 km/h në Zvicër
Në Rafz të Kantonit të Cyrihut, Policia Kantonale ka kapur një kosovar 42 vjeçar, i cili në të njëjtin vend e ka vozitur makinën një herë me 195 km/h dhe një herë tjetër me 170 km/h. Kjo ka ndodhur brenda 24 orëve në zonën ku maksimumi i lejuar i shpejtësisë është 80 kilometra në orë.
Ai duhet të përgjigjet për të dyja shkeljet e shpejtësisë para prokurorit publik.
“Raseri” i cili po shkonte drejt Eglisau ZH, është kapur nga Policia Kantonale e Cyrihut mëngjesin e së enjtes. Policia Kantonale kishte kryer kontrolle në Schaffhauserstrasse bazuar në sinjalizimin nga banorët në Rafz, të cilët zgjoheshin çdo ditë nga automjetet me shpejtësi të lartë, shkruan polizeinews.ch.
Kështu policët kanë kapur kosovarin, bazuar në kontrollin e shpejtësisë, përcjell albinfo.ch. Drejtuesi i mjetit është ndaluar dhe arrestuar, siç ka bërë të ditur policia kantonale të premten. Atij i është hequr patenta e shoferit në vend dhe është marrë në pyetje në bazën e policisë.
(Kosova Sot Online)
