Lexoni edhe:
Ish-politikanët që për dy dekada e udhëhoqën shtetin, ata e kriminalizuan pushtetin
MSh citon një studim të kryer nga amerikanët, bënë thirrje për vaksinim
Ministria e Shëndetësisë së Kosovës ka apeluar që të gjithë ata që nuk janë vaksinuar ta bëjnë këtë, sidomos personat e moshës 12 vjeçare.
Zyrtarë të MSh kanë bërë edhe publikimin e një pjesë të këtij studimi e që prek direkt personat e moshave të ndryshëm që nuk janë vaksinuar e që mund të kenë komplikime në zemër.
Njoftimi i plotë:
Një studim i Qendrës për Kontrollin dhe Parandalimin e Sëmundjeve (CDC-SHBA) ka gjetur se rreziku i komplikimeve të zemrës, si miokarditi (inflamacion i muskujve të zemrës), ishte më i lartë pas marrjes së infeksionit COVID-19 se sa pas marrjes së një ose më shumë dozave të vaksinave mRNA COVID-19 (Pfizer-BioNTech ose Moderna), tek të dy gjinitë (meshkuj dhe femra) dhe te të gjitha moshat.
Studimi ka gjetur se të rinjtë e moshës 12-17 vjeçe ishin 2-6 herë më shumë të rrezikuar për komplikime në zemër pas infeksionit me Covid -19 se sa pas vaksinimit, kurse personat e moshës 18-29 vjeç ishin 7-8 herë më të rrezikuar ngav komplikimet në zemër pas infeksionit me COVID-19, se sa pas marrjes së vaksinës kundër COVID-19.
Vaksinat ndihmojnë në mbrojtjen kundër COVID-19 dhe komplikimeve.
Në Kosovë, të gjithë personat e moshës 12 vjeç e lart duhet të vaksinohen kundër COVID-19 dhe të kujdesen që ta kompletojnë vaksinimin, sepse me kalimin e kohës bie imuniteti i fituar nga dozat paraprake të vaksinimit.
(Kosova Sot Online)
