Lexoni edhe:
Pingpong në gjyqësorin e kontrolluar prej krimit, aferat me tjetërsim pronash në Prishtinë përfundojnë me afate të parashkrimit!
Sulmi ndaj policisë në Veri, Haradinaj: Kosova dhe Serbia s’duhet ta tolerojnë krimin ndërkufitar
Deputeti i AAK-së, Ramush Haradinaj, thotë se rendi dhe ligji është në interes të secilit qytetar dhe dy shteteve, Kosovës e Serbisë. Prandaj, shprehet se është në interes dhe obligim i të dy qeverive, të Kosovës dhe të Serbisë, që të luftojnë krimin e organizuar ndërkufitar.
“Aktet e tilla nuk tolerohen”, shkruan Haradinaj referuar sulmeve që ndodhën ditëve të kaluara në drejtim të Policisë së Kosovës në veri të vendit.
Postimi i tij i plotë:
Shtetet e Bashkuara të Amerikës, Mbretëria e Bashkuar dhe të gjitha shtetet e NATO-s, intervenuan me 1999 në Kosovë për të ndalur gjenocidin. Që prej atëherë, këto shtete po ashtu, janë përkushtuar për një rajon të qetë dhe të sigurt.
Rendi dhe ligji është në interes të secilit qytetar, ashtu edhe të dyja shteteve, Kosovës dhe Serbisë.
Në anën tjetër, krimi i organizuar nuk ka përkatësi as politike e as etnike dhe na rrezikon të gjithëve. Është në interes dhe obligim i të dy qeverive, të Kosovës dhe të Serbisë, që të luftojnë krimin e organizuar ndërkufitar. Aktet e tilla nuk duhet të tolerohen.
(Kosova Sot Online)
