Lexoni edhe:
Sulmet në veri, pasojë e tolerimit prej dy dekadash të strukturave të krimit!
VV s’e përkrahu Komisionin hetimor për rrymën me arsyetimin se ka luftë në Ukrainë, Demhasaj tallet me Kusarin
Drejtori ekzekutiv i Organizatës Çohu, Arton Demhasaj, ka reaguar pas deklaratës së Shefes së Grupit Parlamentar të Vetëvendosjes, Mimoza Kusarit-Lilës, e cila tha se opozita po kërkon Komision Hetimor në kohën kur po zhvillohet lufta Rusi-Ukrainë.
Demhasaj është tallur me këtë deklaratë të Kusari-Lilës, duke thënë se qe sa kohë pala ukrainase dhe ajo ruse po negociojnë për ta ndalur luftën e s’po munden, “ e ne vetëm e ndalim krijimin e komisionin hetimor për rrymën edhe po e ndalim luftën”.
“Qe sa kohe po negociojnë pala ukrainase dhe ruse për me ndal luftën ne Ukraine e s’po munden, e ne vetëm e ndalim krijimin e komisionin hetimor për rrymën edhe po e ndalim luftën….kjo si duket qenka lidhja gjeopolitike dhe gjeostrategjike e komisionit hetimor për rrymën me luftën ne Ukrainë… teze e mire studimi për teoricienët e shkencave politike!”, ka shkruar Demhasaj.
Ndryshe, vetëm 33 deputetë kanë votuar pro mocionit për futjen në rend të ditës të formimit të Komisionit Hetimor parlamentar të propozuar nga PDK-ja për energjinë.
Nga 108 deputetë të pranishëm, 72 vota janë nevojitur që mocioni të kalojë.
“33 deputetë kanë votuar pro, prandaj ky mocion mbetet në seancën e ardhshme”, tha Konjufca.
Partitë opozitare kanë vendosur ta lëshojnë sallën e Kuvendit pasi nuk u votua mocioni.
PDK-ja ka propozuar formimin e Komisionit Hetimor për energjinë, i cili ka marrë përkrahjen edhe të LDK-së dhe AAK-së.
(Kosova Sot Online)
