Abdixhiku u flet studentëve për shkeljen e Kushtetutës nga ministrja Nagavci

  • E.K /
  • 20 April 2022 - 15:30
Abdixhiku u flet studentëve për shkeljen e Kushtetutës nga ministrja Nagavci

Kryetari i Lidhjes Demokratike të Kosovës, Lumir Abdixhiku, siç njofton zyra e tij, zhvilloi një bashkëbisedim me studentë të Fakultetit Filozofik. Aty thuhet se Abdixhiku foli për për shkeljen e Kushtetutës nga pushteti.

Sipas njoftimit të LDK-së, Abdixhiku me studentët diskutoi për “sfidat politike që ka Kosova, nevojën për reforma në arsim, politikën skandaloze të jashtme si dhe qasjen e vizionin e LDK-së për këto sfida”.

Së fundmi, Gjykata Kushtetuese ka konstatuar se ministrja e Arsimit, Arbërie Nagavci, e ka shkelur Kushtetutën me një vendim të marrë për nxënësit në Kamenicë.

Image

LDK-ja njofton se Abdixhiku e trajtoi këtë temë me studentët.

“Njëra ndër çështjet që kryetari i LDK-së, Lumir Abdixhiku e trajtoi me theks të veçantë ishte shkelja e Kushtetutës nga akterët e pushtetit aktual, krijimi i precedentit për mosmarrje të përgjegjësisë, si dhe interpretimi i vendimit të Gjykatës me gjuhë politike nga ana e pushtetit”, thuhet në njoftim.

Fotografi nga takimi/LDK

“Për më keq, Kushtetuta është shkelë edhe nga ata që është dashur të merren me reformën në arsim, përkatësisht ministrja e Arsimit, ndaj, kjo është e papranueshme. Demokracia na duhet e gjallë dhe funksionale, ndërsa shkelja, analizimi dhe interpretimi i vendimeve të Gjykatës Kushtetuese nga pushteti është përpjekje për defunksionalizim dhe mbytje të demokracisë”, citohet të ketë thënë  Abdixhiku.

(Kosova Sot Online)