Lexoni edhe:
Vjen goditja e parë publike kundër të bëmave të Hashim Thaçit e Ramush Haradinaj
Bytyqi e AAK-së: Rasti i ambasadorit Berishaj, skandal i madh diplomatik
Deputetja e Aleancës për Ardhmërinë e Kosovës , Albana Bytyqi, ka komentuar raportimet në lidhje me përfshirjen e ambasadorit Martin Berishaj në shitblerjen e energjisë elektrike përmes kompanisë serbe.
Bytyqi ka thënë se Qeveria e Kurtit po dëshmon secilën ditë që kauzat e saj janë të rrejshme.
Sipas saj, Është tejet shqetësuese që një kryeministër i vendit sikurse edhe presidentja të mbrojnë publikisht Berishajn kur dorëheqja e këtij të fundit është e pakontestueshme.
“Rasti i ambasadorit Berishaj është jashtëzakonisht më shumë se një përgjegjësi individuale. Është skandal i përmasave më të mëdha, që kërkon llogaridhënien.”, ka vlerësuar deputetja Bytyqi.
Postimi i Plotë:
“Skandali diplomatik i Qeverisë
Qeveria e Albin Kurtit po dëshmon secilën ditë që kauzat e saj janë të rrejshme. Rasti i ambasadorit Martin Berishaj, që dyshohet të jetë i përfshirë në shitblerjen e energjisë elektrike përmes kompanisë serbe, është skandal i madh diplomatik. Dëmton rëndë imazhin në diplomacinë e jashtme të Kosovës.
Është tejet shqetësuese që një kryeministër i vendit sikurse edhe presidentja të mbrojnë publikisht z. Berishaj kur dorëheqja e këtij të fundit është e pakontestueshme. Rasti i ambasadorit Berishaj është jashtëzakonisht më shumë se një përgjegjësi individuale. Është skandal i përmasave më të mëdha, që kërkon llogaridhënien.
Z. Kurti i cili ka ‘’ngritur’’ standarde tejet të larta mbi qeverisjen e pastër dhe ka bërë demagogji para popullit, duhet të bart peshën e veprimeve të tij.”
(Kosova Sot Online)
