Lexoni edhe:
Kur planifikohet që Kosova t’ia mësyjë Këshillit të Evropës- FAZ-i gjerman zbulon detajet
Këto janë tërmetet më të fuqishme që kanë goditur Evropën Juglindore që nga viti 1960
Qendra Sizmologjike Euromesdhetare (EMSC) publikoi të shtunën një hartë të tërmeteve të regjistruara në Evropën Juglindore gjatë 62 viteve të fundit.
“Pikat me ngjyra përfaqësojnë tërmetet që kanë goditur rajonin nga viti 1960 deri më sot. Të dhënat historike janë marrë nga Qendra Ndërkombëtare Sizmologjike”, njoftoi EMSC.
Së bashku me hartën, EMSC publikoi edhe të dhëna për tërmetet më vdekjeprurëse që kanë ndodhur në rajonin tonë.
Më shkatërrues ishte më 15 prill i vitit 1979, rreth 15 kilometra larg bregdetit malazez. 129 persona humbën jetën pas tërmetit me magnitudë prej 6.9 ballësh të Rihterit,.
Tërmeti i dytë më vdekjeprurës ndodhi më 1 qershor 1905, ku epiqendra ishte në qytetin shqiptar të Shkodrës, me magnitudë 6.6 ballë ndërsa la të vdekur 120 persona, sipas EMSC.
Një tërmet me epiqendër në Shqipërinë veriperëndimore i regjistruar më 26 nëntor 2019 (6.4 të shkallës Rihter) vrau 51 persona.
EMSC publikoi hartën dhe të dhënat pas një sërë tërmetesh që ndodhën mbrëmjen e kaluar në Bosnje-Hercegovinë, ku më i fuqishmi ishte me magnitudë 6.1 ballë i shkallës Rihter ndërsa është ndjerë edhe në vendet fqinje duke përfshirë Kosovën.
Theksojmë se deri më tani është raportuar se një vajzë 27-vjeçare ka humbur jetën pasi një gur i madh kishte rënë në shtëpinë e saj në qytetin e Stocas.
(Kosova Sot Online)
