Lexoni edhe:
Stoltenberg: Finlanda dhe Suedia do të mirëpriten “krahëhapur” në NATO
Ambasadori Hovenier i falenderon Osmanin e Kurtin për pjesëmarrjen në funeralin e Albright
Ambasadori amerikan në Prishtinë, Jeff Hovenier, ka falënderuar presidenten Vjosa Osmani dhe kryeministrin Albin Kurti për pjesëmarrjen në ceremoninë e funeralit të ish-sekretares Madeleine Albright dje në Washington.
Hovenier ka shkruar se ndihet i nderuar me homazhet që Osmani e Kurti bënë për Albright dhe kontributet e saja për lirinë dhe pavarësinë e Kosovës.
“I nderuar nga Presidentja Vjosa Osmani dhe Kryeministri Albin Kurti për prezencën e tyre në funeralin e djeshëm dhe homazhet që bënë për Madeleine Albright dhe kontributet e saj të shumta për lirinë, pavarësinë dhe sovranitetin e Kosovës”, ka shkruar Hovenier.
Me ftesë të familjes Albright, presidentja Vjosa Osmani, kryeministri Albin Kurti dhe ish-presidentja Jahjaga kanë marrë pjesë në ceremoninë mortore të mbajtur dje në Katedralen Kombëtare në Washington DC.
Honored by President @VjosaOsmaniPRKS & Prime Minister @albinkurti's presence at yesterday's funeral as they paid tribute to @madeleine Albright & her many contributions to Kosovo's freedom, independence & sovereignty. https://t.co/jq2uJnSAon
— Ambassador Jeff Hovenier (@USAmbKosovo) April 28, 2022
(Kosova Sot Online)
