Lexoni edhe:
Kosova nuk ka më kohë për të humbur, aplikim i menjëhershëm për anëtarësim në Këshillin e Evropës dhe NATO
Ngjarje shqiptare: U acarua nga alarmi për syfyr/ Ja pse 20-vjeçari plagosi vëllain me thikë
Detaje të reja kanë dalë në lidhje me përleshjen e dy vëllezërve në Durrës ditën e djeshme.
Mësohet se 2 vëllezërit janë përplasur për shkak se njëri prej tyre kishte vënë alarmin e telefonit për t'u zgjuar nga gjumi që të hante syfyrin.
Zhurma ka shqetësuar 20 vjeçarin i cili e ka qëlluar të vëllanë me thike duke e lënë të plagosur rëndë.
Vëllezërit jetonin bashkë në një shtëpi me qira në zonën e plazhit në lagjen 13 të qytetit të Durrësit.
NJOFTIMI ZYRTAR
Plagosi me mjet prerës vëllanë e tij, arrestohet në flagrancë 20-vjeçari.
Nga specialistët për Hetimin e Krimit në Komisariatin e Policisë Durrës u bë arrestimi në flagrancë i shtetasit E. O., 20 vjeç, për veprën penale “Plagosja e rëndë me dashje”.
Ky shtetas, pas një konflikti për motive të dobëta, në lagjen nr. 13, Durrës, ka goditur me mjet prerës (thikë), vëllanë e tij, shtetasin E. O., 27 vjeç, i cili ndodhet në spital, jashtë rrezikut për jetën.
(Kosova Sot Online)
