Lexoni edhe:
Kosova drejtë dhe shpejtë në rrugëtimin për anëtarësim në NATO!
Përfoljet për përçarje brenda VV-së, Bajqinovci: Kurrë më në harmoni s’kemi qenë
Deputeti i Lëvizjes Vetëvendosje, Mefail Bajqinovci, në një intervistë ka folur për zhvillimet brenda Lëvizjes Vetëvendosje dhe përfoljeve për përçarje brenda partisë pas vendimit të disa deputetëve për të mos votuar ndryshimet e Kodit Civil dhe për qëndrimet ndryshe të deputetit Burim Meta.
Bajqinovci ka thënë se qejfi më i madh i opozitës është që të ndahet Vetëvendosje, dhe shton se partia që drejton Kurti është në një harmoni të madhe.
“E para, qejfi më i madh i disa opinionistëve dhe opozitës është që të ndahet Lëvizja Vetëvendosje. Unë po ju garantoj, me gjithçka, jo që nuk ka problem, po kurrë më në harmoni s’ka qenë Lëvizja Vetëvendosje. Kjo është krejt spekulim që të futet spirra në mes të deputetëve të grupit parlamentar”, ka thënë Bajqinovci.
Tutje deputeti i VV’së ka thënë se në momentin që askush në parti nuk po del kundër ndonjë iniciative, po thuhet se “Albin Kurti është diktator”, ndërsa kur dikush nga deputetët po del kundër ndonjë ligji apo iniciative, po thuhet se VV-ja po përçahet.
Bajqinovci ka thënë se s’është e vërtetë që Kurti iu ka kërkuar deputetëve që s’e kanë votuar Kodin Civil që ta lëshojnë mandatin e tyre.
(Kosova Sot Online)
