Gjenden eshtra në Suharekë, dyshohen se janë të viktimave nga lufta e fundit në Kosovë

  • E.K /
  • 02 May 2022 - 12:41
Gjenden eshtra në Suharekë, dyshohen se janë të viktimave nga lufta e fundit në Kosovë

Një banor i fshatit Leshan të Suharekës ka hasur në mbetje mortore derisa po bënte pastrimin e varrezave të fshatit, me rastin e festës së Bajramit të Madh. I njëjti ka njoftuar menjëherë Policinë, me ç’rast një njësi policore ka dalë në vendin e ngjarjes, ku janë gjetur eshtra të paidentifikuar, që dyshohen të jetë mbetje nga lufta e fundit në Kosovë.

Sinjali mëson se në vendin e ngjarjes ka dalë edhe Njësia e hetimeve për Krimet e Luftës, në asistim të patrullës policore të Suharekës, ku kanë bërë këqyrjen e vendit të ngjarjes dhe kanë marrë mbetjet për t’i dërguar në IML për ekzaminim.

Ndërsa në konsultim me prokurorin është iniciuar rasti “gjetje e pjesëve eshtërore”.

(Kosova Sot Online)