Arsim Bajrami i quan militantë deputetët e PDK’së: Zhurma s’ka qenë asnjëherë në ADN’në e partisë

  • E.K /
  • 05 May 2022 - 13:19
Arsim Bajrami i quan militantë deputetët e PDK’së: Zhurma s’ka qenë asnjëherë në ADN’në e partisë

Ish-ministri i Arsimit, Arsim Bajrami është shprehur i zhgënjyer me deputetët e Partisë Demokratike të Kosovës të cilët sot protestuan me zhurmë në Kuvend, pasi deputetët e pozitës po refuzojnë kërkesën për themelimin e një komisioni parlamentar që do ta hetonte shtrenjtimin e rrymës, me rrethanat para dhe pas këtij vendimi.

Bajrami u shpreh nostalgjik për legjilaturat e vjetra të Kuvendit, në të cilat tha se kishte profesorë e njerëz me integritet profesional.

“Duke shiquar sot sesionin e paraditës së Kuvendit të Kosovës, mu rikthya nostalgjia për kuvendet e legjislaturave të vitit 2001, 2004, 2007,2011,2014,në të cilat isha edhe unë deputetë i zgjedhur.. Në këto legjislatura gjysma e deputetëve ishin profesorë universitarë, njerëzë me integritet profesional, kombëtarë e etikë që kishin së paku një dekadë kontributë në procese të shtetëndërrimit”, ka shkruar Bajrami.

“Kurse sot pamja e kuvendit duket shumë e zymtë, me deputetë që as fshati i tyre nuk i njeh, pas asnjë përvojë pilitike, e që të vetmen cilësi që e demonstrojnë është militanizmi politikë. Natyrishtë, këtu ka përjashtime me pak deputetë të ndershëm, që shurdhohen në llumin e dreputetëve të padishëm dhe pa inetegritet”, ka shtuar ai.

Veçanërisht, ai ndjehet i zhgënjyer nga deputetët e PDK-së.

“Në mënyrë të veqantë më zhgënjyan kolegët deputetë të PDK-së, që sot zgjodhen zhurmen e tavolinave si mjet politikë. Nuk ka qenë asnjiherë në ADN e PDK- së zhurma, dhuna si mjet i veprimit politik. PDK është ndërtua me logjiken shtetëformuese, kushtetuese e ligjore dhe metodat e tilla asnjëherë nuk do të mbështeten nga elektorati i saj. Përvoja e dikurshme e partisë në pushtet me veprime destruktive nuk duhet të praktikohet nga partitë shtetformuese”, ka shkruar Bajrami.

Ish-ministri tha se deputetët duhet ta lënë partinë në pushtet për një mandat të plotë “në mënyrë që ajo të marrë faturen e mirëqeverisjes/keqëqeverisjes nga qytetaret e Kosovës në fund të mandatit të plotë kushtetues”.

“Përdorja e metodave jashtë parlamentare, zhurma, përplasja e tavolinave janë një amnesti për traditen e dhunës parlamentare,e përdorur nga opozita e më herëshme”, ka shkruar ai.

“Demokracia parlamentate në të gjitha vendet demokratike ka rritur standartet e qeverisjes dhe të etikes politike. Fatkeqësishtë në shtetin tonë këto standarde kanë degraduar në nivele shumë të ulëta”, theksoi Bajrami.

(Kosova Sot Online)