Gjendja e ushtarëve ukrainas teksa largohen me autobus nga Mariupoli

Ushtria ukrainase është tërhequr nga qyteti i rrethuar i Mariupolit, pasi e konsideron të përmbyllur misionin luftarak atje.

The Guardian ka publikuar pamje të ushtarëve duke u larguar nga qyteti shumë i rëndësishëm strategjikisht për Ukrainën.

Lexoni edhe:

Aplikimi i Kosovës për anëtarësim në Këshillin e Evropës dyfishon obligimet e shtetit për fuqizimin e shtetit të së drejtës, reformat e thella në drejtësi

Evakuimi i luftëtarëve ukrainas nga fabrika e çelikut Azovstal në Mariupol, zona e tyre e fundit e mbetur në qytet, filloi të hënën.

Komandantët e njësive të vendosura në fabrikën e çelikut të qytetit Azovstal janë urdhëruar të shpëtojnë jetën e ushtarëve, thuhet në deklaratën e Shtabit të Përgjithshëm të Forcave të Armatosura të Ukrainës.

Qindra ushtarë u evakuuan të hënën nga fabrika e çelikut, streha e fundit në një qytet që ishte bërë simbol i rezistencës ukrainase nën bombardimet e pamëshirshme ruse.

(Kosova Sot Online)