Lexoni edhe:
VETTING-u në drejtësi nevojë urgjente për vetpastrimin e strukturave ruso-serbe të krimit nga institucionet vitale te shtetit!
Deputeti i VV’së: Kurti mund t’i ndërrojë ministrat sa çel e mshel sytë
Deputeti nga radhët e Lëvizjes Vetëvendosje, Enver Dugolli, ka deklaruar se kryeministri Albin Kurti mund t’i ndërrojë ministrat nëse ka ndonjë dyshim sado të vogël.
Sipas Dugollit, Kurti mund t’i ndërrojë ministrat “sa çel e mshel sytë”.
Dugolli thotë se i pari i Qeverisë e ka besimin e plotë.
“Z.Kurti, Ministrat që i ka emëru, Z.Kurti kur don dhe nëse e ka një argument sado të vogël , edhe është shumë autonom në këtë drejtim edhe ia njeh këtë të drejtë edhe ligji edhe Kushtetuta , e ndërron sa çel e mshel sytë…Jo nuk ka hiç problem, sepse fatbardhësisht e ka besimin e plotë, e ka mazhorancën e palëkundur”, ka thënë Dugolli.
Ndryshe, Prokuroria Speciale ka nisur dje hetime pas raportimeve për afera në tri ministri.
Partia Demokratike e Kosovës ka publikuar një dokument, duke thënë se dy ministrat e Qeverisë Kurti – Donika Gërvalla dhe Fitim Damka – janë të pëfshirë në një aferë korruptive.
Sipas PDK-së, kjo aferë e dyshimtë dhe e kundërligjshme, ka mundësuar keqpërdorimin e rreth 1.1 milionë eurove të taksapaguesve të Kosovës.
“Fjala është për një “Memorandum Bashkëpunimi”, në mes të Ministrisë së Zhvillimit Rajonal dhe Caritas-it Zviceran, në bazë të të cilës, buxheti i Republikës së Kosovës shpenzohet kundërligjshëm në shumë prej 1 milion e 40 mijë euro. Kjo marrëveshje, është nënshkruar dhe tashmë është duke u realizuar por një gjë e tillë ka ndodhur vetëm pas Pëlqimit zyrtar të cilin e ka nënshkruar Zëvendëskryeministrja dhe Ministrja e Punëve të Jashtme dhe Diasporës, Donika Gërvalla – Schëarz, e cila i ka hapur rrugë nënshkrimit të kundërligjshëm të saj, duke inkurajuar dhe lejuar kështu keqpërdorimin e rreth 1 milion e 40 mijë eurove”, ka thënë deputetja Musliu-Shoshi.
Përveç Gërvallës e Damkës, në media është përfolur edhe për një aferë korruptive në Ministrinë e Infrastrukturës, që udhëhiqet nga Liburn Aliu.
(Kosova Sot Online)
