Lexoni edhe:
Nisen në gjueti të diasporës, opozitarët me shpresa të humbura tek votuesit
Enver Hasani: Miroslav Lajçak është i interesuar vetëm për rrogën e tij
Ish-kryetari i Gjykatës Kushtetuese, Enver Hasani, thotë se Emisari i BE-së për dialogun Kosovë-Serbi, Miroslav Lajçak, është i interesuar vetëm për pagën e tij.
Sipas Hasanit, diplomati sllovak nuk është i pari ndërmjetës evropian që s’ka bërë asgjë për dialogun në emër të Evropës.
“Lajçak shihet se nuk ka mandat. Por ka rrogë. Nuk ka marrë asnjë minus sepse nuk është i pari që nuk ka bërë asgjë si ndërmjetës i dialogut në emër të Evropës. Pagat e tyre po rriten, dhe ndodh si në Qipro, dhe Kosova po bëhet atraksion për zyrtarët e lartë evropianë.”, ka thënë Hasani raporton Gazeta Express.
Profesori i marrëdhënieve ndërkombëtare ka thënë se nëse kryeministri Kurti s’dëshiron që të bllokohet në dialog duhet t’a përfshijë edhe opozitën në proces.
Ai tha gjithashtu se presidenti i Serbisë, Vuçiq vetëm sa do ta vonojë procesin e dialogut nëse Kosovë s’është kreative për ta gjetur një zgjidhje.
“Çdo zvarritje e kthen Kosovën në një problem të konfliktit të ngrirë dhe mund të ndodhë dhuna, siç ka ndodhur në të kaluarën. Por Vuçiq është i sigurt se Perëndimi po i shtyn ata ta zgjasin çështjen sa më gjatë. Nuk është vërtet vonë. Ekonomia serbe nuk po vuan nga investimet e huaja, ne vuajmë nga çdo gjë dhe fajin e ka Serbia”, ka thënë Hasani
(Kosova Sot Online)
