Deputeti i VV-së kundër vendimit të partisë për pagën minimale, rrah tavolinën dhe lëshon seancën

  • E.K /
  • 14 June 2022 - 13:54
Deputeti i VV-së kundër vendimit të partisë për pagën minimale, rrah tavolinën dhe lëshon seancën

Deputeti i Vetëvendosjes, Fatmir Humolli, ishte kundër vendimit të Grupit të tij Parlamentar për miratimin e pagës minimale ku s’u përfshinë veteranët e UÇK-së. Ai madje protestoi duke e rrahur tavolinën dhe më pas lëshoi sallën.

Nën thirrjet “marre” nga deputetët e opozitës, u miratua në parim ligji për pagën minimale.  68 deputetë morën pjesë në votim, por ka pasë gjashtë abstenime dhe asnjë votë kundër.

Kryeparlamentari Glauk Konjufca ka thënë se të gjitha debatet kanë përfunduar për këtë çështje dhe se s’do t’i kthehen edhe njëherë.

Megjithatë, deputeti i AAK-së, Besnik Tahiri, mori fjalën para votimit për të propozuar heqjen e tij nga rendi i ditës dhe që projektligji të kthehet prapë në Qeveri.

“Në seancën e kaluar kemi pasë një diskutim të gjatë dhe kemi kërkuar që ligji në fjalë që përcakton pagën minimale dhe të kthehet në qeveri. Për qëllimin që po ndodh s’ka kurrfarë impakti, sepse në shumicën ka arritur paga minimale në 250. E largon një lidhje të nderuar të vendit nga lidhja me pagën minimale. Kërkesa jonë është shumë e thjeshtë të diskutohet edhe reforma sociale. Ky ligj të tërhiqet nga ministri Murati dhe të ulemi e të diskutojmë. Është kërkesë legjitime që është minimale në raport me krejt çështjet që i kemi ngritur, s’ka të bëjë me pozicion opozitar as politik. Po e largojmë, propozimi im është ky, nëse pajtohemi. Nëse e miratojmë këtë bëjmë një gabim shumë të madh”.

(Kosova Sot Online)