Lexoni edhe:
Fatura e krimeve dhe gjenocidit serb të luftës në Kosovë të nxirret pa vonesë!
Mimika e Kurtit pasi Tahiri me deputetët tjerë të PDK-së e ‘bllokuan’ foltoren e Kuvendit
Kryeministri Albin Kurti po merr pjesë në seancën e sotme të Kuvendit. Kur kryetari i GP të PDK-së, Abelard Tahiri doli dhe e hoqi nga vendi mikrofonin në foltoren e Kuvendit teksa deputetja e VV-së, Arbëreshë Kryeziu po e merrte fjalën, Kurti shikonte me vëmendje.
Shefi i Qeverisë e përcolli me sy çdo lëvizje të deputetëve opozitarë afër tij, ndërsa herë pas here diskutonte diçka me zëvendëskryeministrin Besnik Bislimi.
Deputetët e PDK-së dhe ata të AAK-së u mblodhën para foltores dhe po e pamundësojnë mbajtjen e seancës në shenjë proteste që Qeveria nuk po e përfill kërkesën e tyre për përfshirjen e veteranëve të UÇK-së në projektligjin për përcaktimin e pagës minimale.
Deri në dyert e Kuvendit, veteranët po protestojnë jashtë, të indinjuar që deputetët të martën miratuan në parim projektligjin për caktimin e pagës minimale i cili i mënjanon ata.
Policia është mobilizuar ndërsa veteranët e UÇK-së janë futur në oborrin e Kuvendit dhe do të shkojnë edhe para Qeverisë.
(Kosova Sot Online)
