Lexoni edhe:
Fatura e krimeve dhe gjenocidit serb të luftës në Kosovë të nxirret pa vonesë!
"Sharje me nanë" e këputje e mikrofonit në Kuvend - Ditë me tensione
Veteranët e OVL-UÇK-së po protestojnë duke kërkuar nga qeveria që të përfshihen në ligjin e pagës minimale, kategori kjo që është përjashtuar nga ligji.
"Lluga" e krijuar në protestën e mbajtur jashtë objektit të Kuvendit të Kosoves fillimisht krijoi përshtypjen se brenda Kuvendit do të ishte qetë. Por, nuk ndodhi kështu.
Pasi fillimisht deputeti i VV-së, Gani Krasniqi, i revoltuar iu drejtuar ish-kryeministrit Ramush Haradniaj se "nuk ta kemi borxh me na sha" - ishte pastaj deputetja e AAK-së, Time Kadrijaj, e cila "shpërtheu" në akuza ndaj kryeministrit Albin Kurti.
"Marre", "dil kryeministër", ishin fjalët bazë të reagimit të saj.
Nuk përfundoi me kaq...
Deputetët e opozitës e kanë bllokuar foltoren e Kuvendit, teksa fjalën e mori deputetja e VV-së, Arbëresha Fazliu.
Gjatë bllokimit të foltores së kuvendit, shefi i grupit të deputetëve të PDK-së, Abelard Tahiri, e ka tërhequr me forcë mikrofonin e foltores, duke pamundësuar që aty të mbahen fjalime.
Kjo bëri qe seanca të ndërpritet, deri në një vendim tjetër.
(Kosova Sot Online)
