Lexoni edhe:
Presidenti i SHBA-së, Joseph Biden i heq dilemat, 100% në mbështetje të Kosovës
Dita Botërore e Refugjatëve është një ditë ndërkombëtare e caktuar nga Kombet e Bashkuara për të nderuar refugjatët anembanë globit. Ajo shënohet çdo vit më 20 qershor dhe feston forcën dhe guximin e njerëzve që janë detyruar të largohen nga vendi i tyre për t’i shpëtuar konfliktit ose persekutimit.
Më shumë se dy dekada më parë, mbi 1 milion shqiptarë nga Kosova u detyruan të largohen nga shtëpitë e tyre për shkak të luftës së tmerrshme dhe krimeve të kryera nga Serbia. Ata kryesisht shkuan në Shqipëri dhe Maqedoni të Veriut, por edhe në vende të tjera.
Presidenti i SHBA-së, Joseph Biden i heq dilemat, 100% në mbështetje të Kosovës Lexoni edhe:
UNHCR thotë se refugjatët duhet të trajtohen me dinjitet dhe kërkimi i sigurisë është një e drejtë njerëzore.
Ngado që vijnë, njerëzit e detyruar të ikin duhet të mirëpriten. Refugjatët vijnë nga e gjithë bota. Për të shpëtuar nga rreziku, ata mund të marrin një avion, një varkë ose të udhëtojnë në këmbë. Ajo që mbetet universale është e drejta për të kërkuar siguri.
Sa herë që njerëzit detyrohen të ikin, ata kanë të drejtë të mbrohen. Cilido qoftë kërcënimi – lufta, dhuna, persekutimi – të gjithë meritojnë mbrojtje. Gjithkush ka të drejtë të jetë i sigurt, thuhet në mesazhin e UNHCR-së me rastin e shënimit të kësaj dite.
Në maj të vitit 2022, bota arriti një moment historik të mprehtë: numri i njerëzve të zhvendosur me forcë globalisht tejkaloi 100 milionë, ose më shumë se 1 për qind e popullsisë së botës dhe e barabartë me vendin e 14-të më të populluar në planet, sipas Agjencisë për Refugjatë të Kombeve të Bashkuara.
(Kosova Sot Online)