Temperatura të larta sot dhe nesër, Instituti Hidrometeorologjik i këshillon qytetarët

Instituti Hidrometeorologjik i Kosovës këshillon t’i shmangeni kontaktit direkt të rrezeve të diellit dhe aktiviteteve fizike sot dhe nesër, pasi parashikohet mot shumë i nxehtë.

IHMK njoftoi të martën për temperatura deri në 34 gradë Celsius gjatë së mërkurës dhe së enjtes.

Lexoni edhe:

I deleguari i BE-së par dialog me Serbinë Miroslav Lajçak po i qel rishtas letrat e Asociacionit të komunave me shumicë serbe

“Moti për dy ditë, 29-30.06.2022. Do të mbajë mot me diell dhe vranësira të pakta, kryesisht rreth relievit malor. Vranësirat ditën e enjte gjatë pjesës së dytë të ditës, ka mundësi që vende-vende të shoqërohen me riga shiu dhe shkarkime rrufesh. Temperaturat minimale do të lëvizin ndërmjet 14-17 gradë Celsius, ndërsa maksimalet e ditës parashihen të lëvizin ndërmjet 29-34 gradë Celsius”, thuhet në njoftim.

“Situata biometeorologjike vazhdon të jetë jostabile për shkak të indeksit të lartë UV. Këshillohet të ju shmangemi kontaktit direkt të rrezeve të diellit, aktiviteteve fizike, sepse kjo situatë meteorologjike ndikon negativisht te shumë persona me sëmundje kronike (hipertension, ostmatikët, diabetikët ) dhe te të moshuarit.”, thuhet tutje në njoftimin e Institutit.

(Kosova Sot Online)