Lexoni edhe:
Nga vera në “dimër”, ulje drastike e temperaturave duke filluar nga data 8 korrik
Burim Meta zgjedhet kryetar i degës së Guxo në Ferizaj
Deputeti Burim Meta është zgjedhur kryetar i degës së partisë Guxo në Ferizaj.
Kryetarja e partisë, Donika Gërvalla, tha se emërimi i tij erdhi në vazhdën e emërimeve të kryetarëve të degëve të partisë së re të saj.
“Në vazhdën e kuvendeve zgjedhore, në prani të delegatëve dhe të ftuarve të shumtë, u mbajtën zgjedhjet në degën e Partisë Guxo në Ferizaj. Me votën e më shumë se 150 delegatëve të pranishëm, dr. Burim Meta, bashkëthemelues i Partisë Guxo dhe deputet i Kuvendit të Kosovës, u zgjodh kryetar i degës në Ferizaj. Një falënderim i veçantë i shkon koordinatores së Vetëvendosjes në Ferizaj, profesoreshës Zogaj, e cila e nderoi kuvendin me praninë e saj”.
Gërvalla paralajmëroi edhe për zgjedhje në degë të tjera, përfshirë kryeqytetin.
“Zgjedhjet në degët e tjera do të vazhdojnë gjatë javëve të ardhshme deri në kuvendin qendror, i cili do të mbahet në Prishtinë në fillim të muajit shtator”.
(Kosova Sot Online)
