Lexoni edhe:
Erdhën nga Norvegjia për pushime në Kosovë, vajza dërgohet pa shenja jete në spitalin e Pejës
E hodhi drogën në tokë dhe iku, policia në kërkim të gjilanasit
Një person është shpallur në kërkim nga ana e Policisë së Rajonit të Gjilanit për mbajtje e posedim të drogës.
Siç njofton policia, i dyshuari me inicialet B. M., deri sa ishte duke me një skuter kishte vërejtur patrullimin e policisë dhe çantën të cilën kishte me vete e kishte hedhur në tokë e më pas ishte larguar në drejtim të panjohur.
Largimi i tij ishte bërë në këmbë pasi i dyshuari edhe skuterin kishte lënë në vendin e ngjarjes.
Policia në një njoftim ka treguar se në çantën e krahut të të dyshuarit janë gjetur 16 paketime të vogla me drogë të llojit marihuanë të cilat kanë qenë të mbështjella.
Tutje sipas policisë, në afërsi të vendit ku kishte ndodhur edhe arratisja e të dyshuarit B. M., ka qenë e parkuar edhe një veturë me dy persona të dyshimtë, M. H., 29 vjeçar dhe L. S., 26 vjeçar.
Policia ka treguar se është thirrur edhe njësia e anti-drogës për të bërë edhe shiqimin e vendit të ngjarjes dhe nga provat e marra është konstatuar se është gjetur drogë edhe të të dyshuarit e arrestuar.
29 vjeçari M. H, sipas policisë është dërguar në ndalim për 48 orë ndërsa 26 vjeçari L. S., është liruar në procedurë të rregullt pas intervistimit.
Rasti është proceduar te departamenti i krimeve të rënda në Prokurorinë e Gjilanit.
(Kosova Sot Online)
