Lexoni edhe:
Tërnava uron besimtarët myslimanë për Kurban Bajram: Barazia, sakrifica, flijimi e solidariteti mesazhe të festës
Mjekët tentuan ta shpëtonin për më shumë se katër orë, plaga e Abe arrinte deri në zemër, por nuk u gjet asnjë plumb
Lajmi për vdekjen e ish-kryeministrit japonez Shinzo Abe u konfirmuar edhe nga mjekët në Spitalin e Universitetit Mjekësor Nara, ku ai u dërgua menjëherë pas atentatit.
Mjekët kanë dalë në një konferencë duke bërë me dije se ish-kryeministri ndërroi jetë në orën 05:03 më kohën lokale.
Ai mori plagë në anën e djathtë të qafës, e cila ishte aq e thellë sa të arrinte në zemër. Mjeku shton se nuk është gjetur asnjë plumb. Mjekët thanë se ata shpenzuan katër orë e gjysmë duke trajtuar Abe, duke u përpjekur të ndalonin gjakderdhjen dhe bënë një transfuzion gjaku, duke përdorur më shumë se 100 njësi gjaku.
Një mjek konfirmoi se Abe se kishte dy plagë, që besohet se ishin plagë plumbash, por shtoi se ata nuk mundën të gjenin plumba gjatë operacionit. Ishin 20 profesionistë mjekësorë që e trajtuan ish-udhëheqësin japonez pasi ai u qëllua në Nara . Në fillim, një ekip prej 10 profesionistësh po e trajtonin atë, por numri u dyfishua.
Gjithashtu janë gjetur eksplozivë në shtëpinë e Tetsuya Yamagami, njeriu i dyshuar se vrau Shinzo Abe, raporton NHK.
Mësohet se arma e gjetur në vendin e sulmit fatal ishte bërë vetë.
(Kosova Sot Online)
