Lexoni edhe:
Majmuni rrah policët në Sarandë
Presidentja Vjosa Osmani, ka pritur sot në Presidencë ministrin e Jashtëm të Polonisë dhe kryesuesin aktual të OSBE-së, Zbigniew Rau. Pas takimit, Osmani theksoi se Kosova është e përkushtuar që të kontribuojë në mënyrë aktive për një Evropë më të bashkuar, më paqësore dhe më demokratike.
“Në takim me ministrin e Jashtëm të Polonisë, Zbigniew Rau, i cili po viziton Kosovën edhe si kryesues aktual i OSBE-së, diskutuam për rolin e OSBE-së në mbështetjen e institucioneve të Republikës përgjatë dy dekadave të fundit, si dhe për zhvillimet e fundit të sigurisë në rajon dhe më gjerë”, theksoi Osmani.
Majmuni rrah policët në SarandëLexoni edhe:
Ajo mëtutke shtoi se “Kosova ka shënuar progres të vazhdueshëm në forcimin e sundimit të ligjit, demokracisë dhe të drejtave të njeriut, prandaj presim përkrahje në rrugëtimin tonë euro-atlantik nga shtetet që ndajnë vlera të njëjta”.
Rau pas takimit me Osmanin u prit nga ministrja e Jashtme, Donika Gërvalla, ndërsa gjatë ditës do të takohet edhe me Kryetarin e Kuvendit, Glauk Konjufca dhe me Kryeministrin Albin Kurti.
(Kosova Sot Online)