Lexoni edhe:
Rezoluta e PE-se për njohjen reciproke mes Kosovës dhe Serbisë, dhuratë e artë nga kancelari dhe shteti mik gjerman
“S’po mundem me u pajtu”, e fejuara e mjekut nga Gjakova që vdiq në aksident bën postimin prekës
Blerta Bogaj, e fejuara e Mentor Salihit, mjekut që vdiq pas lëndimeve që mori në aksidentin mes autoambulancës dhe veturës në Gjakovë, ka reaguar për herë të parë në rrjete sociale pas vdekjes së tij.
Ajo ka bërë një postim prekës në Facebok, ku ka thënë se s’po mund të pajtohet dhe se po përballet çdo ditë me dhimbjen për vdekjen e tij.
“Sot e gjithe Kosova te njeh si doktor Mentori, qe dha jeten ne shpetim te jetes se njerezve te tjere, e gjithe Kosova te ka nderu, te ka thurur vargje e te ka kujtu, ne kujtesen e secilit prej tyre do te mbetesh gjate e pergjithmone.
Sado qe une nuk po mundem me u pajtu e po perballem çdo dite me dhimbjen e ikjes tende, me bene me u ndi me lehte fakti qe ti ke lene kaq shume gjurme ne jeten time, e qe e kam pas fatin me e njofte nje njeri si ti prej se afermi”, ka shkruar Bogaj.
Ndryshe, aksidenti i rëndë kishte ndodhur më 30 qershor në lagjen Dardania (Piskotë), mes autoambulancës dhe një veture te tipit Golf.
Në autoambulancë kanë qenë vozitësi Skofiar Gjini, i cili ka vdekur, doktori Mentor Salihu, infermieri Faton Brahimaj dhe pacienti Zef Dula.
Postimi i plotë i saj:
Sot u bene kaq dite qe prej ikjes tende, e une ende nuk po mberrij me pranu e as me besu qe ti nuk je me. Eshte kaq e veshtire te shkruaj per ty.
Me ngushellon e me bene krenare pa mase fakti qe u ndave nga kjo jete si nje hero, ti nuk mbete vetem heroi i zemres time por u bere heroi i te gjithe atyre qe i ktheve ne jete kur nuk kishin shpresa, i atyre qe te njohen, e i atyre qe per here te pare degjuan per ty, me vepren tende madhore, me flijimin tend, pikerisht ashtu sic gjithmone veprove, vendose te tjeret perpara vetes tende.
Sot e gjithe Kosova te njeh si doktor Mentori, qe dha jeten ne shpetim te jetes se njerezve te tjere, e gjithe Kosova te ka nderu, te ka thurur vargje e te ka kujtu, ne kujtesen e secilit prej tyre do te mbetesh gjate e pergjithmone.
Sado qe une nuk po mundem me u pajtu e po perballem çdo dite me dhimbjen e ikjes tende, me bene me u ndi me lehte fakti qe ti ke lene kaq shume gjurme ne jeten time, e qe e kam pas fatin me e njofte nje njeri si ti prej se afermi.
Krejt kujtimet me ty, qe jane kaq te bukura, kam me i mbajt pergjithmone ne zemer e me jetu me to. Keshtu kam me te mbajt afer e ti ke me jetu pergjithmone brenda kesaj zemre.
Ti Mentor u kujdese kaq shume per te tjeret, ishe afer secilit njeri qe pati nevoje per ty, prandaj ikja jote la kaq shume zbrazeti te secili prej nesh, tek une qe te pata mbeshtetje ne secilin hap te jetes.
Lutem qe Zoti te t’shperbleje ne boten tjeter, per njeriun fisnik, human e i dashur qe ishe ne kete bote dhe per driten qe rrezatove ne jeten e kaq shume njerezve.
(Kosova Sot Online)
