Lexoni edhe:
Tash po vjen fundi i burokracisë evropiane me mohimin e lirisë së lëvizjes, liberalizimi i vizave brenda këtij viti
Kosovarët, të tretët me numrin më të madh të punëtorëve në Gjermani nga shtetet joanëtare të BE-së
Shtetasit e Kosovës janë në vendin e tretë pas atyre të Indisë dhe Bosnjës e Hercegovinës që përfaqësojnë pjesën më të madhe të punëtorëve nga vendet joanëtare të Bashkimit Europian që emigruan në Gjermani për punë në vitin 2021.
Sipas Entit Federal të Statistikave të Gjermanisë, Destatis, numri i punëtorëve që emigruan në Gjermani gjatë 10 vjetëve të fundit është trefishuar. Në fund të vitit 2021, Regjistri Qendror i të Huajve të Gjermanisë regjistroi 295,000 persona me leje qëndrimi të përkohshme për qëllime punësimi.
Nga numri i përgjithshëm i personave me leje të përkohshme qëndrimi, të dhënat tregojnë se grupet më të mëdha të punëtorëve jashtë BE-së vijnë nga India, Bosnja e Hercegovina dhe Kosova, raporton SchengenVisaInfo.com.
Në fund të vitit 2021, Gjermania regjistroi 33.900 punëtorë nga India, 26.300 punëtorë nga Bosnja dhe Hercegovina dhe 19.600 punëtorë nga Kosova.
Përveç këtyre tre vendeve, Serbia ka (17.400), Kina (16.700), Shtetet e Bashkuara (16.500), Shqipëria 913.800), Maqedonia e Veriut (13.500), Turqia (10.700) dhe Rusia (9.400) janë gjithashtu në dhjetëshen e parë të listës së shteteve, shtetasit e të cilëve kanë emigruar në Gjermani për qëllime pune.
Destatis zbuloi se numri i punëtorëve jashtë BE-së në Gjermani në fund të vitit 2021 ishte 226 për qind më i lartë se në vitin 2011. Në fund të vitit 2011, kishte vetëm 90,500 punëtorë nga jashtë BE-së që kishin lejen qëndrimi. Nga të gjithë punëtorët jashtë BE-së në Gjermani në fund të vitit 2021, është vënë në dukje se 69.900 janë të diplomuar dhe specialistë shumë të kualifikuar që janë rekrutuar me ‘blu kartë’ .
(Kosova Sot Online)
