Lexoni edhe:
Dy raste të vdekjes e 1 mijë e 603 raste të reja me COVID-19 në Kosovë
Vajton profesori: Vajmedet për oborrin e Fakultetit të Filologjisë të UP-së
Profesori, Muhamet Hamiti ka vajtuar për oborrim e Fakultetit të Filologjisë të UP-së, si pasojë e punimeve të parkingut.
Përmes një postimi në Facebook ai ka shkruar se është mëkat që Universiteti i Prishtinës nuk ia ka dalë ta bindte Komunën e Prishtinës që një projekt i tillë i keq të mos bëhej në kampusin e UP-së, në zemër të kryeqytetit.
Postimi i plotë:
Vajmedet për oborrin e Fakultetit të Filologjisë të UP-së!
Parkingu (garazhat) në oborrin e Fakultetit të Filologjisë në Prishtinë po kryhet.
Qe premtuar se oborri i Fakultetit, që ishte një park natyror efektivisht, do të restaurohej. Siç po duket, ndoshta siç e kanë menduar projektuesit/zbatuesit/përfituesit e projektit prej fillimit, kjo as që ka me ndodhë.
Pemët që ishin nxjerrë dhe thuhej se do të ruheshin e ktheheshin në vend janë tharë, siç shihet. Edhe po të mos thaheshin zor me e besue se do të qëndronin në shtresë të hollë dheu mbi shtresën e betonit. Farë bari apo shkurresh të imta edhe munden.
Është mëkat që Universiteti i Prishtinës nuk ia ka dalë ta bindte Komunën e Prishtinës që një projekt i tillë i keq të mos bëhej në kampusin e UP-së, në zemër të kryeqytetit.
(Kosova Sot Online)
