Të ndarë por jetojnë në një banesë, burri nga Skenderaj bën për spital ish bashkëshorten e tij

Nuk janë të rralla rastet e konflikteve mes ish-bashkëshortëve në Kosovë, të cilët si pasojë e mosmarrëveshjeve shpesh përfundojnë në Polici. Një rast i tillë, por jo i zakonshëm ka ndodhur edhe të hënën në Skenderaj.

Sinjali mëson se një grua ka denoncuar në Polici ish bashkëshortin e saj, për të cilin ka deklaruar se e ka sulmuar fizikisht dhe se i dyshuari është recidivist i kësaj vepre.  Sipas saj, ish bashkëshorti me dëshirë po vazhdonte bashkëjetesën në banesën e saj edhe pas ndarjes, mirëpo pas një mosmarrëveshjeje me viktimën, ai ka eskaluar duke e goditur me grushte atë.

Si pasojë e dhunës së përjetuar, 39-vjeçarja ka marrë lëndime trupore për çka ka kërkuar ndihmë mjekësore në spital.

Ndërkohë njësitet policore kanë arrestuar personin e dyshuar, i cili me vendim të prokurorit është dërguar në mbajtje për 48 orë.

(Kosova Sot Online)