Lexoni edhe:
Ky është kulmi i pa përgjegjësisë në Gjykatën Kushtetuese: 14 muaj për të marrë një vendim
Turku Faruk Fatih Özer i cili krej kohëshkërkohej nga Interpoli për mashtrim të bashkëkombasve të tij, në investimet me monedhën virtuale turke “Thodex” është arrestuar ditën e djeshme në dhomën e një vile në Drimadhes. Ai ishte arratisur nga Turqia për në Shqipëri në prill të vitit 2021 dhe jetonte në lagjen “5 Maji”, në Elbasan.
28 vjeçari u arrestua në dhomën e vilës, gjysmë i zhveshur. Bashkë me të në polici u shoqëruan për tu marrë në pyetje Evaldo Haxhiu 37 vjeç nga Durrësi, nipi i Armando Dukës dhe 36 vjeçari nga Tirana, Bojken Shkëmbi, të cilët ndodheshin me të.
Në cilësinë e provës materiale policia sekuestroi laptopë, aparate celulare dhe karta bankash.
28-vjeçari Farku Ozer prej një vit është shpallur në kërkim ndërkombëtar nga Intepol Ankara për veprat penale, “Krijimi i organizatës kriminale” dhe “Mashtrimi me pasoja të rënda”.
Në shqipëri kishte ndryshuar pamjen. Me flokë të prerë dhe me kapele, bosi i kriptove dukej se ishte kthyer në gangster. Kohët e fundit ai jetonte në Elbasan, ndërsa në jug ishte zhvendosur për pushime. Mësohet se policia ra në gjurmët e tij pasi përgjonte telefonin e mikut të tij Haxhiut.
Një prej shqiptarëve të arrestuar bashkë me të, Evaldo Haxhiu, dyshohet se e ndihmonte të fshihej duke i gjetur banesa të ndryshme. Dyshohet se ai e ndihmonte dhe që t’i arratisej policisë. Kur merrte informacione se policia do të ndërhynte për ta arrestuar ai e largonte.
Autoritetet kanë nisur procedurat për ekstradimin e tij drejt Turqisë.
(Kosova Sot Online )