Lexoni edhe:
Rama: Hapsirat publike në Prishtinë tani e tutje do të jenë nën vëzhgimin e kamerave
Azemi: Skandaloze mosekzekutimin i pagave për punëtorët
Kryetari i Sindikatës së Pavarur të Sektorit Privat, Jusuf Azemi, ka thënë se mosekzekutimi i pagave të punëtorëve është një skandal. Ai ka fajësuar qeverinë për grevat, duke thënë se nuk ka pasur përfillje të kërkesave të punëtorëve nga e ana e Qeverisë së Kosovës.
Të enjten e 1 shtatorit, Kryetari i Sindikatës së Pavarur të Sektorit Privat, Jusuf Azemi, sa i përket mosekzekutimit të pagave ka deklaruar se, rruga e vetme për të dalë nga grevat është “bashkëpunimi dhe negocimi”.
Azemi tha ka thënë se ndalja e pagave të punëtorëve është një skandal.
“I kanë zbatuar të gjitha kërkesat, kanë provuar që të gjejnë një zgjidhje, sindikatës ose i është dashur të dorëzohet ose të shkojë në grevë”, ka thënë ai.
Azemi mendon se për tejkalimin e këtyre grevave, duhet që të ulen të dyja palët dhe të mendojnë me “kokën e ftohtë”.
Ai ka fajësuar Qeverinë e Kosovës për këto greva masive, sepse sipas tij, nuk ka pasur përfillje të kërkesave të punëtorëve nga e ana e qeverisë.
“Nëse kanë para për serbët të paguajnë rrymën në veri, pse nuk kanë për ne 8 milionë e 300 euro”, ka vijuar ai.
Ai tha se në kohët e kaluara kanë qenë sindikatat dhe përfaqësuesit e këtyre sindikatave që e kanë mbajtur arsimin gjallë.
(Kosova Sot Online)
