Lexoni edhe:
Me ligjin e ri, nëse aprovohet, kaq do të paguhet drejtori i shkollës fillore dhe të mesmes
Ministri i Bujqësisë, Faton Peci, ka thënë se nuk ka shkelje kushtetuese fakti që Vjosa Osmani ka pirë kafe me të dhe ministren e Punëve të Jashtme, Donika Gërvalla.
Vjosa Osmani e kishte formuar Listën Guxo, bashkë me Gërvallën dhe Pecin.
Por nga 4 prilli, kur ajo është zgjedhur presidente, Osmani nuk ka të drejtë ta ushtrojë asnjë funksion partiak.
Pas fotografisë së publikuar nga Faton Peci, kishte reagime se Osmani e ka shkelur kushteutën, për faktin se “ajo ende po ushtron ndikim në Listën Guxo”.
Por Peci thotë se ata janë miq, dhe takimi nuk ka qenë partiak.
“Sa i përket fotografisë në kafe, ne jemi miq në fund të fundit. Fotografia është bërë dje në një kafeteri të Prishtinës. Dhe përderisa Presidentja për shkak të Kushtetutës e ka të pamundur me ushtru ndonjë funksion partiak, ajo nuk është shkelje Kushtetuese në rast që me miqtë e saj pi kafe. Nuk besoj që kemi bërë shkelje kushtetuese me pi kafe”, tha Peci.
Fotografia e publikuar nga Faton Peci erdhi si rezultat i raportimeve që deputetja Doarsa Kica-Xhelili do t’i bashkohet Lidhjes Demokratike të Kosovës.
(Kosova Sot Online)