Lexoni edhe:
Tragjike, edhe një e mitur dyshohet se u dhunua në komunën e Istogut
Sot vazhdon gjykimi ndaj Salih Mustafës, ZPS paraqet deklaratën përmbyllëse
Në seancën e së hënës, në gjykimin ndaj Salih Mustafës, Zyra e Prokurorit të Specializuar (ZPS) do të paraqesë deklaratën e saj përmbyllëse.
Kjo seancë do të fillojë në orën 9:30, mirëpo e njëjta do të transmetohet me 45 minuta vonesë.
“Aktakuza e konfirmuar përcakton se afërsisht midis 1 prillit 1999 dhe 19 prillit 1999, në një kompleks ndalimi në Zllash, Kosovë, u kryen krimet e ndalimit arbitrar, trajtimit mizor dhe të torturës kundër të paktën gjashtë personave. Gjithashtu, në aktakuzë thuhet se në një datë midis 19 prillit 1999, ose rreth kësaj date, dhe rreth fundit të prillit 1999, në atë vendndodhje u vra një i ndaluar”, ka njoftuar Gjykata Speciale përmes një komunikate.
Bëhet e ditur se në aktakuzën e konfirmuar, Salih Mustafa akuzohet në kuadër të formave të ndryshme të përgjegjësisë penale, për: ndalim arbitrar, trajtim mizor, torturë dhe vrasje të paligjshme si krime lufte të kryera në kontekstin e konfliktit të armatosur jo ndërkombëtar në Kosovë, ose në lidhje me atë konflikt.
(Kosova Sot Online)
