Lexoni edhe:
Kurti për “kornizen e re”: S’ka autor, u publikua për të matur pulsin e politikanëve dhe qytetarëve
Asamblisti i VV-së, Berat Lahu, u kërkua edhe në mars nga policia, çka kishte deklaruar atëherë
Policia e Kosovës sërish trokiti në derën e asambliesti i Vetëvendosjes në komunën e Prishtinës Berat Lahu.
Ai ishte kërkuar nga Policiaa edhe në mars të këtij viti në lidhur me rastin e njohur si “Brezovica”.
Dyshimet për Lahun lidhen me pozitën paraprake që Lahu e kishte në menaxhimin e rrjetit energjetik.
Lahu kishte deklaruar për media se nuk di pse po kërkohet nga policia kur nuk ka punuar asnjëherë në pushtetin qendror dhe lokal.
“Jo, unë e kam parë lajmin ashtu siç e keni pa ju, nuk kam aspak informata. Unë nuk gjendem në Kosovë, nuk e di çka mundet me pas ndërtime në Brezovicë me mu unë asnjëherë skam punuar në institucione qendrore as lokale as nuk jam marrë me ndërtimtari. Është e pakuptimtë që mu ndërlidh emri jem me këtë çështje”, pati thënë tha Lahu.
Lahu pranoi se ka qenë zyrtar në KEDS.
“Nuk mundet me qenë asnjë e lidhur me ndërtime për shkak se KEDS furnizon me energji çdo konsumator që bën kërkesë dhe plotëson kriteret. Nuk mundet me pas ndonjë lidhje në atë aspekt sidomos në rastin e Brezovicës sepse ne e dimë jemi në ngjarje çka po ndodh dhe është e pakuptimtë se qysh mundet mu ndërlidh kjo s’ka kurrfarë logjike”, ishte shprehur ai.
Ndaj personave të dyshuar, Prokuroria Themelore në Ferizaj, brenda afatit ligjor, pritet të parashtrojë kërkesë për caktimin e masës së paraburgimit në Gjykatën Themelore në Ferizaj.
(Kosova Sot Online)
