Lexoni edhe:
Detyra e parë e shkollës i preku të gjithë: Përgjigja e këtij vogëlushi është ajo e shumicës së shqiptarëve
Shpërthime të fuqishme, vdekje e lëndime: Krejt çka ndodhi në Kiev herët në mëngjes
Presidenti ukrainas Volodymyr Zelensky ka reaguar menjëherë pas raportimeve për disa shpërthime në të gjithë vendin këtë mëngjes, duke thënë se rusët “po përpiqen të na shkatërrojnë”.
Sipas mediave të huaja, ai tha: “Po shkatërroni njerëzit tanë që janë duke fjetur në shtëpi në Zaporizhzhia. Po vritni njerëzit që shkojnë të punojnë në Dnipro dhe Kiev”.
Zelensky konfirmoi se si rezultat i sulmeve ka “të vdekur dhe të plagosur”.
“Ju lutemi mos u largoni nga strehimoret. Kujdesuni për veten dhe të dashurit tuaj. Le të mbahemi dhe të jemi të fortë”.
Ndërsa ministri i Mbrojtjes i Ukrainës tha sot se “guximi i vendit të tij nuk do të shkatërrohet kurrë nga raketat e terroristëve, edhe kur ato godasin zemrën e kryeqytetit tonë”.
Duke shkruar në Twitter, Oleksii Reznikov tha: “Ata nuk do të lëkundin as vendosmërinë e aleatëve tanë”.
“E vetmja gjë që ata shkatërrojnë në mënyrë të pakthyeshme është e ardhmja e Rusisë – e ardhmja e një shteti mashtrues terrorist të përbuzur globalisht”.
(Kosova Sot Online)
