Lexoni edhe:
Vrasja makabre e 18-vjeçares në Ferizaj, Dardan Krivaqa e Arbër Sejdiu në tetor dalin para gjykatës
Armend Mehaj premton armatime më moderne ushtarake për FSK-në
Synimi i ministrit të Mbrojtjes, Armend Mehaj, është që Forca e Sigurisë së Kosovës të jetë e pajisur me armatime më moderne ushtarake, në atë mënyrë që të jetë e gatshme të përballet me të gjitha sfidat e sigurisë.
Kështu të paktën ka shkruar vetë ai në rrjetin e tij social në Facebook, ku ka bërë të ditur se ka qenë pjesë e panairit vjetor të Asociacionit të Ushtrisë së Shteteve të Bashkuara të Amerikës.
“Takuam përfaqësues të kompanive më të njohura prodhuese të paisjeve ushtarake, si dhe po ashtu u njoftuam me zhvillimet më të fundit teknologjike në këtë fushë përmes prezantimeve informuese si dhe paneleve të diskutimit mbi tema ushtarake dhe të sigurisë kombëtare”, ka shkruar Mehaj në rrjetin e tij social.
Mehaj ka bërë të ditur se gjatë vitit 2021 Ministria e Mbrojtjes ka investuar në armatim 96 për qind më shumë se sa në vitin 2019.
“Ndërsa deri në fund të këtij viti pritet që investimi të jetë 99 për qind më i lartë. Me ndryshimin e kushteve gjeopolitike, avancimin e teknologjisë, avancimin e bashkëpunimit me shtetet aleate, ngritjen e aspektit profesional të ushtrisë, jemi të interesuar që proporcionalisht të ngrisim edhe nivelin e investimit me pajisje ushtarake”, ka shtuar ai.
(Kosova Sot Online)
