Hoti thotë se tregtarët e vegjël dëmtohen më së shumti nga çmimet në tavan

  • S.A /
  • 20 October 2022 - 12:24
Hoti thotë se tregtarët e vegjël dëmtohen më së shumti nga çmimet në tavan

Deputeti i Lidhjes Demokratike të Kosovës (LDK), Avdullah Hoti, ka thënë se projektligji për çmimet tavan do t’i falimentojë tregtarët vegjël.

“Do të shkatërrohet konkurrenca e lirë dhe nuk do të arrihet qëllimi që e ka ky projektligj”, ka thënë Hoti.

Ai ka thënë se tash ka rritje të çmimeve, por nuk ka mungesë të produkteve në treg. Ka folur edhe për manipulatorët e tregut.

“Çmimet janë rritur, por nuk ka mungesë të produkteve në treg. Nëse ka manipulim me çmime atëherë janë mekanizmat që duhet të merren”, ka thënë Hoti.

Po ashtu ka shtuar se nuk mund të vendoset një marzh e fitimit si për një biznes në Prishtinë, si në një fshat në Dragash.

“Nga ky projektligj do të mbijetojnë vetëm tregtarët e mëdhej”, ka thënë Hoti. 

(Kosova Sot Online )